bywyd ystadegol
Darllenwch am brofiadau modelydd ystagedol yn y fan hyn. Fe gewch chi flas ar peth o'r gwaith ymchwil yn y fan hyn. Dyma erthygl am eithafon yn y Gymraeg.
canu
Dwi'n canu yng Nghôr Rhuthun a chanais gynt gyda Phil A'r Monics, fel ar Noson Lawen neu yn Llanfair Dyffryn Clwyd. Ac mae Meibion Marchan yn ymddangos o bryd i'w gilydd hefyd! Ewch f'ama am ryfeddod prin o Eisteddfod Genedlaethol 2011. Cafwyd hwyl yn Eisteddfodau Cenedlaethol 2013, 2015, 2018 a 2019 hefyd; dyma gip ar berfformiad 2018. Yn 2023, cystadlasom ar drefniant o'r emyn dôn Rhys a fersiwn barbershop Cymraeg o Crazy little thing called love!
englyna am wyddoniaeth
I'w naddu na'r lepton;
Un fflach, byrrach na'r baryon!
Gronyn? Ai tennyn? Ai ton?
Rhodd annwyl yw barddoni - er mantais
Rhamantus yr odli
Moethus mwyn yw maths i mi:
Rhagluniaeth o raglenni!
Oes gorchwyn fel disgyrchiant - heb wifrau
Na ffiniau i'w ffyniant?
Gwlaw o'r nef a ddaw i'r nant
Heb blws na minws, mynnant!
Try'n flodau ysblenydd;
Meddir, mynnir f'ymenydd
Gan echdoriad, syniad sydd!
Dyna'r gamp: gweld o'r don a'r gwynt - mai maths,
Mam môr, lifa drwyddynt,
Troer yr haul a'r lloer! Eu hynt
Sy'n dirnad curiad cerrynt.
"Un, dau" oedd hadau'r adio - bu'r tynnu
Bryd hynny'n ffiasgo!
Ysaf nawr am safon "O"
A gradd mewn integreiddio!
Os hoffech ddarllen rhagor o farddoniaeth a sgyrsiau, cliciwch ar "barddoni" uchod.
milltir sgwâr
Dwi'n wreiddiol o Odre'rGraig yng Nghwm Tawe; dilynwch y doleni am ychydig o hanes y Graig Arw a llysenwau Ystalyfera. Ond bellach fe'm mabwysiadwyd gan Rhuthun! Dewch i'r Annibyn-ffest f'ama!